/ حاجي بقى تتزوزقي /
حاجي بقى تتبرّجي وتتزوزقي
ختير زمانك يا دني وعم تعتقي
الحلم اهترى . . وتكربجوا الأعمار
وصرتي بِشهقة عولمة تتشردقي
جمر الظلم بقلوبنا عم تحرقي
وعم تركعي بجنون قدام الدولار
حتى الضمير الحي صرتي تشنقي
تركتي الفرج موقوف خلف الإنتظار
تحت العتم متل الحرامي بتمرقي
رح ينجلط قلب الأماني وباختصار
ما ضل فيكي شيئ واحد منطقي
وبعدك يا دنيا بتسألي . . شو صار
وإنتي الصبر منّا بوقاحه بتسرقي
ما ضل عندك للحقيقه إعتبار
بزمن الرصاص وعن قصد ياللأسف
من مقبرة أحلامنا عم تخلقي .
د. عيسى فضة
ليست هناك تعليقات:
إرسال تعليق