المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { منتدانا الراقي } بقلم الشاعر المقدر [ سلمان حسن ]

Salmaan Hasan

مسؤول
أبرز المساهمين

صباح  الخير  منتدانا الراقي
تحية لكل  اعضاء الواحة  الفواحة والكادر الاداي يقيادة الدكتور الغالي (( الاخ صالح البعيني ونائبه الدكتور  ياسر  حامد الافاضل))
   (((  وللجميع    تحيتي)))
فتح  ياورد  الجوري  ونسم    يافلّ
بين  غيابي  وحضوري عالعهد بضل
**
الواحة   ربي   كونها  بهد  التكوين
وجمّل كل شواطيها  بزهر اليسمين
مارح  بقدر  جافيها  لو  غبت سنين
معلق  احلامي   فيها وحبيت  الكل
**
فيها    رب   القوافي  صالح  مغوار
على   عزفات  اوتارو   بتمنا  اسهار
ولما   تبذغ   اقمارو   فالليل    نهار
عم  يستقبل   زوارو   والكل   يجلّ
**
شو هالواحة  الفواحة واحة  عشاق 
الخمرة المسكوبة فيها خمرة ترياق
حتى  زور  روابيها  قديش  مشتاق
اسكر   وتغنا    فيها   تالفجر  يطل
**

اسكر عوتار الريشة  ونغمات العود
وصالح  فيها  يتغنى والشعر يجود
وياسر بالكلمة الحلوة اكبر  حاصود
للي   يتحدا  بشعرو   ماضل  محل
**
هوني عشاق الكلمة وشعر الموزون
سألتك يارب العالي هالواحة تصون
شو   بيعمل   متلي  شاعر  مجنون
خلت   لمحبة   فيي  عقلي  مختل
**
شعار   الواحة    كلا   شعار حروف
لو  فكرنا  نقيمها   فوق  الموصوف
حتى لورادو الخبرة واسطفوالوفف
شعار  الواحة  كلهم  في  اله  محل