( العداد عاطل )
يا هالدني عم إسألك عن جد
ليش الشقى عم يكبر ويمتد
ماضل مونة ولا بقي مصروف
صرنا على آخر رمق ع الحد
العداد عاطل ما بقى ميعد
بعدو الفرج تحت الصبر موقوف
الحبل انقطع ماعاد فينا نشد
والضو مطفي والعتم موصوف
علينا الحزن يمكن طلع ع القد
وصار العمر نايم ع تخت الخوف
وبرج الأمان اليوم رح ينهد
وقلب الحقيقه يا دني ملهوف
المشوار واصل ع الطريق السد
متل الكأنو هالوطن مخطوف
لا تندهوا ما في حدى بيرد .
د. عيسى فضة
ليست هناك تعليقات:
إرسال تعليق