/ فرح شامي / بقلم الشاعر المقدر الدكتور [ عيسى فضة ]

 

عيسى فضة

مشرف

أبرز المساهمين

 

 · 20 س

 

 · 

/ فرح شامي /

راجع أنا وحامل فرح شامي

وكل الوفا بجعبة عشق سامي

ولهفة حنيني وشوق بالشريان

تا زور فيكي بيت أحلامي

والخوف مني يوقع العنوان

أو يسرقو بالليل شي حرامي

عا كتر ما بحبك صرت فزعان

يموت الحلم ع دراج أوهامي

وهالوعد يبقى كان ياما كان

يصير الحزن بحات أنغامي

وابقى لحالي بحارة الحرمان

وحامل ع كف الروح آلامي

ويصير حبك بصمة النسيان

وتتكربج . . وتسود أيامي

ضوّيت شمع الملتقى بالشمعدان

من خوف قلبي تتعبي بالإنتظار

وقبل التلاقي تنعسي تنامي . د. عيسى فضة

عرض الرؤى

معدل وصول المنشور: ٥٩

كل التفاعلات:

٧سليمان ملحم، ونبيل الخطيب و٥ أشخاص آخرين