/ يا رب هدّي الحرب / بقلم الشاعر المقدر الدكتور [ عيسى فضة ]

 

عيسى فضة

مشرف

أبرز المساهمين

 

 · ٣ س

 

 · 

/ يا رب هدّي الحرب /

فزعان ما يبقى الجرح مفتوح

والإرهاب يلعب في ملاعبنا

صوت الشرق متخرسن ومبحوح

ويبقى الغرب بجنون راعبنا

بخلّي الدرب مقطوع مش مسموح

تفوت السلامه عا مضاربنا

بطوفة بكي توقع سفينة نوح

ويغرق بنزف الدم مركبنا

وما يضل عطر من الورد بيفوح

متل الشمع هالحرب دوّبنا

تحت العتم صار بيزيد النزوح

وصار الوجع ع الآخ يصلبنا

بعدو الفرج تحت الصبر مشلوح

ونص الدني والكون حاربنا

ما عاد نعرف وين بدنا نروح

ضاعوا . . حبايبنا وقرايبنا

هدّي الحرب يا رب حاجي جروح

قبل الوقت ما ينتهي ويروح

وقبل ما يموت بالتقسيط كوكبنا . د. عيسى فضة

عرض الرؤى

معدل وصول المنشور: ١٤

كل التفاعلات:

٥عشتار صالح، وسليمان ملحم و٣ أشخاص آخرين