المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { الواحة والقوافي } بقلم الشاعر المقدر الدكتور [ عيسى فضة ]

عيسى فضة

مشرف
أبرز المساهمين

(    الواحة والقوافي   )
معذور بدي قول يا واحه لكي
متلك أنا عتبان
يا واحتي على مين بدنا تشتكي 
في عجقة الطرشان 
صار الشعر وهرة طواحين الحكي 
وعم يكتروا الخرسان 
عا ناس صارو متل كذبة محنكي 
بآخر وقت خرفان
وصرنا بعصر  مليان آهات وبكي
وعم يكبر الطوفان 
رغم العتاب بلون أخضر ليلكي
بعدي أنا خيفان
وقلقان ما يصير الشعر للفزلكي 
ويسود لون الإرجوان 
يا بو الأدب والشعر والفكر الذكي
دوزن معي الألحان 
قبل الشعر ما يصير كلّو فزلكي 
وموسوعة النسيان
تنضل عا كتف الوطن عم نرتكي
وما نضيّع العنوان
يا شاعر البتعمّر من الفن أحلى مملكي
ومطرزي بألوان 
خفت القصيده تصير شبكه مشربكي
ومتلك أنا فزعان 
يبقى الشعر متل السفينه ملبكي 
ومضيّعا الشطآن 
ويتحنّط الإبداع في بيت القصيد 
وتصير مملكة القوافي مجعلكي .  د. عيسى فضة