المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { دعسة ناقصة } بقلم الشاعر المقدر الدكتور [ عيسى فضة ]

عيسى فضة

مشرف
أبرز المساهمين

(  دعسة ناقصة  )
بضو القمر  كنتي الحلم  عم  تغزلي 
                وعم تسبحي بنهر الخيال وغايصا  
جاكي العشق يرقص ع بابك حنجلي
                 قصّرتي فستانك ت صار مناصصا
فتحتي ع صدرك هالقميص المخملي 
               عملتي على زرار العراوي محاصصا  
طلعتي ع كرم  اللوز صرتي  تعملي  
                   مرة  مزاد . . . ومرتين  مناقصا
وج  الصبح  والليل  بلّش  ينجلي
                 كنتي  متل  نحلة  ربيع  وحايصا 
وإنتي  بشهد  الحب  عم تتعسّلي
                بين  الزهر  كانت  عيونك  لايصا 
ولمّا استوى العنّاب عنقودك حلي
               فاق وصحي الناطور كنتي خالصا   
عم تقطعي نهر الحلم صوب الصباح
            وقعتي ع راسك طب يا ست الملاح 
   دعستي ع اول ضو دعسه ناقصا . د. عيسى فضة