{ في عين الحقيقة } بقلم الشاعر المقدر الدكتور [ عيسى فضة ]

 

عيسى فضة

مشرف

أبرز المساهمين

 

 · ٦ س

 

 · 

( في عين الحقيقة )

شفت العمر مقتول عا كومة زمان

مد المدى ممدود من ممدودها

ع دروبها ما في أثر عنوان

وحد الفكر ما حد حد حدودها

حد النظر محدود حدو بالمكان

مبني على المجهول سر وجودها

وعين الأرض فيها عمى ألوان

وعين السما نامت تخت خلودها

عيون البشر موسوعة الحرمان

وأم الخليقة دموعها ع خدودها

بين العتم والريح طار الشمعدان

جراد العصر عم ياكل بمحصودها

وعين العقل مطمورة الأحزان

والذاكرة بتبكي ع موت ورودها

وشفت الدني عرّيشة الإنسان

وبتفرفط الإيام من عنقودها

بيبقى الصدق والحب والإيمان

مدلولها ع دروبها لمعبودها

ومن هون مشوار الحياة بيبتدي

تا يلتقي موعودها بمقصودها .

د. عيسى فضة

عرض الرؤى

معدل وصول المنشور: ٣٥

كل التفاعلات:

٦مدين رحال، وياسر حامد و٤ أشخاص آخرين