( العرب وعصر العولمة )
بعصر التناسخ مطرحك وين صار
يا بن العرب يا بو حكي وأشعار
باقي بمحلك واقف ومعلوم
بتبكي على أطلالك ومحتار
والخوف واقفلك ع باب الدار
بتفخر بعرشك والعرش مهدوم
ولادك ببارات الغرب خمّار
وبتقول كنّا أسياد العلوم
وراكع ع جمر الآه تصرخ نار
بتوح عا ماضي صفي المرحوم
وبتحط كل الحق ع الأقدار
والدم سارح والجرح مسموم
وبعدك متل موقوف قيد الانتظار
وبتصير تصرخ يا دني مظلوم
بترمي على رأس الحقيقه حجار
وقدام حالك راكض ومهزوم
صارت حياتك ملعب الإعصار
حاجي بقى يعني ضروري تقوم
وتفوت عصر العولمة وتختار
إمّا بجدارة تدخل العالم الجديد
إمّا على العكاز تبقى عاجز وختيار .
د. عيسى فضة
ليست هناك تعليقات:
إرسال تعليق