( صباحكم عيد وفرح العيد )
يا عيد الفطر لاتغيب عن بالو
بريشة صلى اعزفني ع موالو
ونغمات إيمان البتوليّة/ي
وجبلي معك يا عيد مرسالو
ياريت أعرف كيف أحوالو
ازرعني بكرمو وردة جوريّة/ي
تعطّر يمينو تبوّس شمالو
خوفي ع قلبو تفوت حوريّه
وتطبع عشق مجنون بخيالو
كتبتو بحنين وشوق عينيي
بدقات قلبي وصرت كرمالو
شعّل إلو صابيع إيديي
متل الشمع ع غصون عرزالو
رسمتو أنا تمثال حريّة/ي
بهالعيد بلكي يفيق عا حالو
ويضخ حب جديد بالتمثال
تيعود يرجع حي تمثالو .
د. عيسى فضة
ليست هناك تعليقات:
إرسال تعليق