{ خارطة الطريق } بقلم الشاعر المقدر الدكتور [ عيسى فضة ]

 

عيسى فضة

مشرف

مساهم ممتاز

 

 · ١١ س

 

 · 

/ خارطة الطريق /

معذور بدي قول عن حق وحقيق

وين الوفا والشوق والحب العتيق

صار العمر موقوف ع خطوط الحمر

بيبكي الورد محزون عا موت الرحيق

يعني الدني صارت أواخر يا دهر

ما عاد جوات النفق لمعة بريق

بكاس العشق ما ضل في ريحة خمر

بتتقلّب الأحلام على وهج الحريق

وبيت القصيد مكسر وغاب الشعر

صار الحرف ملهوف بدموعو غريق

بعدو الفرج مشلوح ع شمال الصفر

يا للأسف عين الحقيقه كل مابتفيق

بتلمح دموع ودم على شط البحر

ضاع الحبيب وصار مفقود الصديق

يا رب هدّي البال واعطينا الصبر

حتى الوئام يعود عا أصلو العريق

ويعود حب جديد بقلوب البشر

وتبقى المحبه اليوم خارطة الطريق .

د. عيسى فضة

عرض الرؤى

معدل وصول المنشور: ٣٣

كل التفاعلات:

٥نبيل الخطيب، وياسر حامد و٣ أشخاص آخرين