حوار زجلي بين ( الشاعرة المقدرة زهرة عوض والشاعر الفنان المقدر مدين رحال )

 

مدين رحال

مساهم بارز

 

 · ٥٧ د

 

 · 

(زهرة عوض &&&&&&&& و مدين رحال)

حوار زجلي تم بالمصادفة ليلة أمس بتاريخ 2024/5/26 بيني وبين الشاعرة السورية القديرة الأستاذة زهرة عوض ضمن التعليقات في منشور على صفحتها

-----------------------------------------

الموصوع : الحزن أضراره وفوائده

&&&&&&&&&&&

البداية : مدين رحال

فيي الحزن ياناس عزز موقعو

استوطن بروحي وكيف بدي طَلّعو

ال عندو دوا ضد القهر والإكتئاب

يْشَرّف لعندي وجايب الوصفة معو

----------------------------

زهرة عوض

شو الحزن ؟ إلا باب قلبك شرعو

ليوسوس الشيطان خبثو ويزرعو

سكر عليه ، بحسن ظنك بالإله

وشوك الحزن والهم من شلشو قْلعو

-----------------------------

مدين

لما الحزن يِطْبق على القلب الرقيق

بيجرح الروح بيكسر الجنح الطليق

حتى العقل بيصير في حالة ضياع

نايم ب جمجمة القهر مش رح يفيق

-------------------------

زهرة

ضيفك معلم شاطر وعابر طريق

جايه يدلك عالعدو وعالصديق

ينظف بقايا جروح فيك معلمة

أو يصفعك حتى من جْنونك تفيق

-------------------------

مدين

الضيف اللطيف بقلب عيني بوضعو

بس ن اجا ينزع حياتي بْقَلعو

جايي العَدوّ ولابس تياب الصديق

من جنون عاطفتي انا ضايع معو

---------------------------

زهرة

بعين البصيرة تأمل وشوف الغيوم

بتمرق ل حتى تغسل غبار الهموم

معقول في فلاح بيحب الضرر

لما الشجر بيعالجو برش السموم

------------------------

مدين

بتستشهدي بالأدوية وسْمومْها

وغيمة ب تروي أرضنا وكرومها

ياما المطر من قوتو هَدّم بيوت

وسم النفس ورثة انظلم محرومها

------------------------

زهرة

حتى العواصف بالرسالة مْكلفة

تجرف زبد بسيولها. تاتكتفي

وع كِل جبل صامد بإيمانو ثبت

بتوزع نْياشين باللطف الخفي

،-----------------------------

مدين

ب فكرة جديدة بروح عاتاني طريق

بْضَمّد جروح العاشقين من الحريق

شو قولك ب عشقان كسرِت خاطرو

محبوبتو وْصَفّى بأحزانو غَريق

---------------------------------

زهرة

مغموس قلبك بالعتم وسط الضلال

ارجع ل الله وتوب ياابن الحلال

بيستخرج الرحمن مكنون الدعا

بالعجز ،، حتى يطهرك متل الزلال

-------------------------------

مدين

أيّا شريعة بتمنع القلب الحنون

ال حَب بطهارة وماسلك درب المجون

ولوما الغرام يحللو رب السما

كنا انقرضنا وصارت الدنيا سكون

-------------------------------؛

زهرة

ختيار حظك بالعشق راح انعطب

مش زابطة يقولوا عشق بنت وخطب

الحب الحقيقي بيلزقك كالمغناطيس

وصفيان انت بهالدني كومة حطب

----------------------------

مدين

عمري يَ زهرة ماحسبتو بالسنين

فيي الوقار مكلل ورافع جبين

لم بِفْرِق الغِرّة بْشَعري عاليمين

بشوف الصبايا حول مني مجمعين

مِني ابن عشرين طق بغيرتو

وخايف ع حالي من عيون الحاسدين

--------------------------------------------

شكرا لكل من تابعنا

عرض الرؤى

عرض الرؤى

معدل وصول المنشور: ١٤

كل التفاعلات:

٣

أنت، وعيسى فضة وياسر حامد

{ يا بو إيهاب } بقلم الشاعر المقدر الدكتور [ عيسى فضة ]

 

عيسى فضة

مشرف

مساهم ممتاز

 

 · ٢٠ د

 

 · 

( يا بو الضمير الحي والإحساس )

يابو الوفا عليك الوفا بينقاس

يا بو إيهاب الشاعر الحسّاس

بمرايتك كل ما شفت حالي

بشعر كأني صرت بو النواس

متل القمر إسمك بقي عالي

وأنديلك الضاوي ما عمرو ناس

من المستحيل تروح من بالي

عيونك ع واحة هالشعر حراس

بتبقى الصديق الصادق الغالي

مع ياسر وسلمان وسليمان أغلى الناس

وبيضل طيفك ساكن خيالي

من خدك من عيونك بتنباس

وإلّا معك ما طاب موّالي

وإلّا بخمرك ما حليلي الكاس

إنت بولاية واحتك والي

وميزان فكرك للأدب مقياس

بتبقى يا صالح شامخ قبالي

وباقي متل عباس بن فرناس

طاير مع الشعار رافع للشعر

رايات خضرا مطرّزي بألماس .

د. عيسى فضة

عرض الرؤى

معدل وصول المنشور: ٢

كل التفاعلات:

٢سليمان ملحم وابوعلاء نعيم