المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: 🎀🎀 يا عام تنين وعشرين 🎀🎀 بقلم الشاعرة الكبيرة [ نوال حريقص ]

نوال حريقص

    يا عام تنين وعشرين   
 انشالله بعهدك منصورين 
يا  عام     تنين    وعشرين
نحنا     قدومك     ناطرين
عمَّ     نودع     هالمنحوس
خيك     درع    المختلسين

عم      نودع    هالمنحوس
اللي مضى عمرو  جاسوس
مات    وهوي   عم   يبوس
دقون   الخونة    المحتالين

بكرى   دفنو    ورح   نرثيه
بقدح   وزم    كتير     عليه 
مكان  ال بدنا  نحطو   فيه
بنار       جهنم       متفقين

تخلصنا   من   ظلم    قيود
هالليلة   رح    نبني   عهود
لا سايد    ولا         مسيود
بقدرة       رب      العالمين

بميلادك      يا         يسوع
صلينا     وشعلنا      شموع
انت      تبنى    هالموضوع 
وغير    هالوضع     الحزين

 انت       رسول     السلام 
والمحبة................. والوئام
ياسيد .... كل ....... الأنام
كتروا    كتير    الجوعانين

موجات   وبحر    وحيتان
وسمكاتك  هجروا الشطآن 
خدنا     بحلمك     يا ديان
وساعد هالشعب  المسكين

هاج     البحر      بموجاتو 
وعم      تغرق      مركباتو
وبهالعام    الماضي    ذاتو
سيطر     عالبحر     التنين

البحر      بلادي      سوريا
هاللي       انت        حاميا
القصة   كلا       وما    فيا
كترو      علينا      الديانين

عملتنا     صارت      دولار
مشيت  لعبة   من  الاشرار
ارأف      فينا       يا جبار
الخواطر .... والمحرومين
$$$$$$$$$$$$$$$$$$$$$$$$$$
الشاعرة : نوال أمين حريقص
 بلدي : سوريا حمص وادي النصارى 
$$$$$$$$$$$$$$$$$$$$$$$$$$