/ صبحية الميلاد /
عن شجرة الميلاد صبحيي
قطفت الأماني بإيد شعريي
وكتبت إسم العيد ع الأوراق
بريحة صلى وشموع مضويي
ومن كل غصن قطفت غنيي
وباقة عشق من واحة العشاق
وكمشة عبير شفاف جوريي
ولهفة محبة من قلب مشتاق
وإيمان من قلب البتوليي
وبقلوب عشقاني وطن خلّاق
قطفت الصفا بصابيع شاميي
ولفيتهن مع ذكريات عتاق
كلّن سوا . . وعملتن هديي
بعتلّكن ياهن مع الأشواق
وج الصبح مع ياسمين الشام
انشالله الهدية تكون على قد المقام
وتنال إعجاب الغوالي هيك عيديي .
د. عيسى فضة

ليست هناك تعليقات:
إرسال تعليق