المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ( لأنك واحتي ) بقلم الشاعر المقدر الدكتور [ عيسى فضة ]

عيسى فضة

مشرف

(  لأنك واحتي  )
حملت يا واحة الإبداع حالي 
                 وجيت  بشوق  إكتبلك  رساله 
قصيده مقصّبي بدقات قلبي 
             وعشق موصوف من روح الجلاله
رسمتك للوفا  مرصد  محبي 
                وخريطة فكر عا صفحة خيالي 
تا إسمك صار عنواني ع دربي 
                وهواكي عا يميني  وعا شمالي   
أنا من  دن صالح  جيت  عبّي
                    نبيد  الشعر  يا أم   الأصاله 
قومي  يا واحه  الكاس  صبّي 
                تتكمل سكرتي  وتحلى الليالي
خمورك  طابت بكاسات  حبي  
               ومقامك صار عندي كتير عالي 
ما فيي الشوق عنك يوم خبّي 
               لأنك  واحتي  وأغلى  الغوالي  
وإلّا  معك  ما بترتقي  الأشعار 
           وإلّا  معك ما ارتاح  بالي . د. عيسى فضة