المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { ريتها تعود } بقلم الشاعر المقدر الدكتور [ نبيل الخطيب ]

مسؤول
أبرز المساهمين

.................. ريتها تعود

يرحم أيام زمان

جدي وينك يا جدي 

ما أحلاها عكازك على جسمي كانت تندي

كانت تقول إلك ستي شوي هدي

ياريتها بتعود هاك الأيام وارجع حط راسي بجنبك يا ستي على المخدي

بتذكر الدالية والتينة وخالي كنت عني تردي

البخورات واللوزات وأيام الصيفية كنت بتعدي

لعند أهلي على المدرسي إلي تودي

كنت أقول للقمر طول ويا شهورالصيفيه أيامك ولياليك مدي

بالضيعه الحنوني ببيتهن كان مولدي

بانياس إي ريحتك معطره أحلا من الأس وضفايرك متل العروس مجدلي

يا ريتها بترجع هاك الأيام ما أحلاها قعده على هاك المكلسي

يا ريتنا ما كبرنا بقينا ولاد صغار

سوى جمعتنا صيفيه وصياحنا كان بهاك الدار

ضاع العمر تاهت مع الأيام الافكار

يرحم ايامكن يا ستي وجدي

هدي يا دنيا العمر سقيتينا المر هدي

أحلا ما فيك ذكر الحبايب بتروحي لبعيد وبتودي

هدي يا أحلام الطفولي حلمك علينا هدي

نبيل الخطيب

كل التفاعلات:

Saleh Albouini

منتدى { واحة الشعر والنغم }